Навіны

Невялікая сенсацыя ў Гарадзенскім абласным судзе

Чацвёртага верасня ў Гарадзенскім абласным судзе праходзіў разгляд скаргі Партыі БНФ пра неўключэнне сяброў гэтай структуры ў акруговыя камісіі. Кіраўнік Гарадзенскай структуры БНФ Вадзім Саранчукоў, які прадстаўляў інтарэсы партыі, заявіў, што менавіта партыйныя структуры мусяць быць прадстаўлены ў камісіях, бо гэта лагічна. Выбары ёсць праявай палітычнага жыцця краіны, і няўдзел прадстаўнікоў партый у камісіях выглядае нелагічным. Таму вельмі недарэчным падаецца неўключэнне аніводнага прадстаўніка БНФ у акруговыя выбарчыя камісіі па ўсёй Гарадзенскай вобласці. І гэтае неўключэнне ёсць ігнараваннем волі вялікай часткі выбарцаў.

З другога боку, прадстаўнікі аблвыканкаму, намеснік начальніка Галоўнага ўпраўлення аблвыканкама Сяргей Хацук і намесніца начальніка Галоўнага ўпраўлення юстыцыі Алена Новік заявілі, што не згодны з пазіцыяй Саранчукова. Яны прадставілі звычайную фармальную афіцыйную версію пра дзелавыя якасці і іншыя крытэры, па якіх фармаваліся камісіі і настойвалі на тым, што ўсё справядліва і нічога не парушана.

Чакана прытрымлівалася іх версіі і прадстаўніца пракуратуры Сняжана Дворнікава.

Дарэчы, і прадстаўніца пракуратуры, і суддзя Вячаслаў Міхневіч, ну і вядома ж сам Вадзім Саранчукоў прамаўлялі па-беларуску. Не карысталіся роднай мовай у гэтым працэсе толькі чыноўнікі аблвыканкама.

Таксама суд пайшоў на беспрэцэдэнтны ў Гародні крок – дазволіў Вадзіму Саранчукову весці відэаздымку падчас агалошвання рашэння суда. Па-сутнасці, гэта стала невялічкай сенсацыяй.

На гэтым сенсацыі закончыліся. Само рашэнне суда не стала сенсацыйным. Скарга Партыі БНФ была чакана незадаволена.

Архіў

Люты 2020
12
3456789
10111213141516
17181920212223
242526272829

Відэа

праваабарончыя сайты