Навіны

Вадзім Саранчукоў падвёў вынікі тыднёвага збора подпісаў

Каманда намесніка старшыні Партыі БНФ Вадзіма Саранчукова падвяла ў Гародні першыя вынікі працы вялікім пікетам у цэнтры горада.

Кажа Вадзім Саранчукоў:

– Нашая каманда тыя задачы, якія перад сабой ставіла, – выканала. Мы штодня праводзім пікеты па збору подпісаў. Мы пайшлі да людзей. Мы запусцілі тэлеграм-канал нашай каманды. Мы запусцілі чат. Мы збіраем водгукі людзей, чаму яны падпісваюцца за нас. Фактычна мы адзіныя, хто ў гэтым горадзе зараз займаецца актыўнай выбарчай кампаніяй.

Зміцер Бандарчук, сябра каманды, лічыць, што каманда Саранчукова здолела аб’яднаць у Гародні розныя палітычныя сілы.

– Мы бачым, што на справе адбываецца тое, пра што мы планавалі раней. Усе палітычныя партыі і арганізацыі, якія ёсць у Гародні, усе прадстаўнікі не вылучаліся на гэтай акрузе. Цэнтральная акруга для Гародні будзе ўнікальнай. Пакуль мы бачым, што ўсе вытрымліваюць тыя пагадненні, якія ёсць. Мы будзем працаваць агульнай камандай. Вынікам будзе ганарыцца Гародня.

Ужо на бліжэйшыя некалькі дзён каманда Вадзіма Саранчукова запланавала шмат розных акцый, у ліку якіх будуць не толькі пікеты ў цэнтры горада, але і сустрэчы з жыхарамі спальных раёнаў і ўдзел у розных мерапрыемствах.

s1s2s3s4s5s6s7s8s9s10

Беларускае Радыё Рацыя

Чытай больш на: https://www.racyja.com/palityka/vadzim-saranchukou-padvyou-vyniki-tydn/

19.09.2019
Крыніца: Беларускае Радыё Рацыя

Архіў

Кастрычнік 2019
123456
78910111213
14151617181920
21222324252627
28293031

Відэа

праваабарончыя сайты