Навіны

Залессе: адміністрацыйны рэсурс у дзеянні

6 лістапада кандыдат ў дэпутаты Палаты прадстаўнікоў, намеснік старшыні Астравецкага райвыканкаму Віктар Свіла ў прамежку з 14 да 15 гадзін правёў  чарговую сустрэчу  з выбарцамі. Яна прайшла ў аграгарадку Залессе Смаргонскага раёна. На ёй прысутнічала каля 25 чалавек.
Адметна, што і на гэты раз не абышлося без уключэння так званага адміністрацыйнага рэсурсу. Відавочна, “мабілізоўваў” людзей на сустрэчу мясцовы орган улады – Залескі сельскі выканаўчы камітэт сваімі сіламі і сродкамі, а не кандыдат ці яго давераныя асобы.  Пра гэта сведчыла аб’ява пра сустрэчу менавіта ад імя сельвыканкаму, вывешаная насупраць мясцовага дома культуры.


Як паведаміў назіральнік кампаніі “Праваабаронцы за свабодныя выбары” Алесь Дзергачоў, на сустрэчы былі заўважаны супрацоўнікі музея-сядзібы Агінскага на чале з дырэктарам  Людмілай Градзіцкай,  для якой  час мерапрыемства відавочна супадаў з працоўным пасляабедзенным часам, бо першыя чатыры гадзіны працы адміністрацыі музея пачынаюцца а 9.00, а другія чатыры – а 14.00, акурат з часу пачатку сустрэчы.Побач з ёй у “прэзідыуме” месца заняў старшыня Залескага сельвыканкаму Зянон Грышкевіч, які паводле расладу працоўнага часу з 8 да 13-ці мусіў весці прыём грамадзян, а пасля гадзіннага перапынку на абед, відавочна, а 14.00 быць на працоўным месцы, а не на сустрэчы з кандыдатам.

Ужо падчас чацвёртай сустрэчы Віктара Свілы з выбарцамі ў Смаргонскім раёне Алесь Дзергачоў нагадвае яму пра выпадак  фальсіфікацыі выбараў па Смаргонскім раёне. На гэты раз разам з фактам знікнення падчас апошніх выбараў прэзідэнта каля тысячы галасоў  за кандыдата Таццяну Караткевіч ён нагадаў пра не менш сур’ёзны факт, калі у Акцябрскім раёне Гомельскай вобласці паводле выніковага пратаколу падліку галасоў толькі аднаго выбарчага участка за Караткевіч прагаласавала каля 200 выбаршчыкаў, а на сайце ЦВК па ўсім раёне адлюстравана  лічба ўсяго  94.
Віктар Свіла адказаў, што пра гэтыя факты не ведае, але перакананы, што ва ўсялякім разе падлік галасоў на выбарах мусіць быць сумленным.

 

Архіў

Лістапад 2019
123
45678910
11121314151617
18192021222324
252627282930

Відэа

праваабарончыя сайты